Октябрь 11-де Кызыл кожууннуң Шамбалыг суурунуң чонунга "Тыва чурттуң төлептиг оглу" деп мөөрейни улуг чогаалчы Степан Агбаанович Сарыг-оолдуң 115 харлаан оюн таварыштыр суурнуң библиотеказы, школаның башкылары болгаш культура төвүнүң ажылдакчылары организастап эрттиргеннер. Мөөрейге өөреникчилер болгаш улуг улус сонуургалдыг киржип, шүлүктерни болгаш тоолдардан үзүндүлерни сценажыткан көргүзүглерге ойнап,бараалгатканнар.Культура төвүнүң оралакчызы Алдынай Успун бодунуң уран-талантызын, тыва самын көргүспүшаан, "Аянныг номчулга" деп атка төлептиг болгаш 1-ги черни алган. Мөөрейниң эң бичии киржикчилери 1-ги классчылар чаптанчыг шүлүктеп, көрүкчүлерниң унелелин алганнар.
Мөөрейниң сорулгазы: тыва дылды камгалап, сайзырадыры, аныяк өскенниң номга сонуургалын оттурары база С.А.Сарыг-оолдуң чогаалдары-биле таныштырары.
Мөөрей "Тыва чурттуң төлептиг оглу"
.jpg)
11 Окт.
