Хүндүлүг, Владимир Бюрбюевич!
Өвүр кожууннуң чурттакчы чонунуң өмүнээзинден Силерге чырык черге чаяаттынгаш, мугур 65 чыл болган оюӊар таварыштыр байыр чедирип тур бис! Чүнүң-даа мурнунда Тываныӊ уран чүүлүн сайзырадырынга киирип чоруур үлүүӊер, кижилерниӊ сагыш сеткилин хей-аът киирип чоруур онзагай салым-чаяныңарга мөгейбишаан,силерге база чоок кижилериӊерге бүгүдеге чедиишкиннерни, менди-чаагай чорукту, хүн дег чылыг өөрүшкүнү база чогаадыкчы хей-аъдыңар улам киискип, сүлдеңерам-даа бедип, эрээн-шокар амыдыралдың боду дег янзы-бүрү ырыларны хөйү-биле биске черниң каазы чечектер дег «тарыырыңарны» күзеп йөрээдивис!
Хүндүткел-биле Өвүр кожууннуң удуртулгазы
Владимир Бюрбюевич Серен
«Тыва Республиканың культуразының алдарлыг ажылдакчызы», «Аян тудаал» ыр бөлүүнүң уран чүүл удуртукчузу, бүгү чуртталгазын уран чүүл болгаш культурага бараан болуп чоруур композитор, баянист-хөгжүмчү. 2018 чылда Тыва Республиканың күрүне шаңналы – «Шылгараңгай күш-ажылы дээш» медальды аңаа тывыскан.
Владимир Серен 1960 чылдың январь 11-де Өвүр районнуң Торгалыг суурга хөй ажы-төлдүг өг-бүлеге төрүттүнген. Школа дооскан соон дарый Кызылдың уран чүүл училищезиниң улустуң хөгжүм херекселдирниң салбырынче өөренип киргеш, 1984 чылда доозары билек өскен-төрээн Торгалыг суурнуң хөгжүм школазын удуртуру-биле аңаа дааскан. 1985 чылдан тура Кызыл кожууннуң культура килдизиниң чалалгазы-биле «Тайбың» («Мир») культура бажыңынга ажылдап эгелээн (1995 чылдан Солаан Базыр-оол аттыг культура төвү кылдыр эде адаттынган). Бодунуң күш-ажылчы намдарының 35 чылын ол Кызыл кожууннуң культуразының сайзыраарынга бараан болуп келген. Хөй чылдар үргүлчүлелдиг хөй-ниитижи ажыл чорудулгага идепкейлиг киржип, дыка хөй республика чергелиг дыштанылгаже угланган культурлуг хемчеглерниң тургузукчузу болуп келген. Ол дээрге: хөйнүң ырызының күүселдезиниң талазы-биле фестиваль-мөөрей «Тываның үннери – 2012», ол ышкаш база-ла республика чергелиг баянга күүселде уран чүүлүнүң мөөрейи «Баянның кнопкалары» (2008,2013 чч.)
Владимир Серенге "Овюр кожуунун хундулуг хамаатызы" деп атты тывыскан
15 Апр.
